काठमाडौं । दुई लघुवित्तले गत आर्थिक वर्ष २०८०/८१ को मुनाफाबाट घोषणा गरेको लाभांश सुरक्षित गर्ने आज अन्तिम दिन रहेको छ ।
सपोर्ट माइक्रोफाइनान्स र फरवार्ड माइक्रोफाइनान्स लघुवित्त वित्तीय संस्थाले साधरण सभा तथा लाभांश प्रयोजनका लागि भोलि (मंसिर १४ गते) बुकक्लोज तोकेका छन् । सो अनुसार आजसम्म कायम रहने सेयरधनीले मात्र प्रस्तावित लाभांश पाउने छन् ।
सपोर्ट माइक्रोफाइनान्सले गत वर्षको नाफाबाट १३.७७५ प्रतिशत बोनस सेयर र कर प्रयोजनार्थ ०.७२५ प्रतिशत नगद गरी कुल १४.५० प्रतिशत लाभांश घोषणा गरेको छ ।
उक्त लाभांश पारित गर्न सपोर्टले पुस ६ गते १०औं वार्षिक साधरण बोलाएको छ । लघुवित्तकोे स दुर्गा पार्टी प्यालेस, इटहरी–४, सुनसरीमा बिहान ११ बजे सुरु हुनेछ।
त्यसैगरी, फरवार्ड माइक्रोफाइनान्सले १३.३० प्रतिशत बोनस सेयर र कर प्रयोजनार्थ ०.७० प्रतिशत नगद गरी कुल १४ प्रतिशत लाभांश घोषणा गरेको छ ।
उक्त लाभांश पारित गर्न फरवार्डले मंसिर २८ गते १२ औं वार्षिक साधरण सभा बोलाएको छ । फरवार्डको सभा दिनेश चौधरी स्मृति प्रतिष्ठानको सभाहल, दुहवी, सुनसरीमा बिहान ११ बजे सुरु हुनेछ।
