काठमाडौं । विश्वकै सबैभन्दा धनाढ्य व्यक्ति एलन मस्कल अमेरिकी राष्ट्रपतिका लागि रिपब्लिकन पार्टी उम्मेदवार डोनाल्ड ट्रम्पलाई करिब १० अर्ब रुपैयाँ (७५ मिलियन अमेरिकी डलर) सहयोग गरेको खुलेको छ ।
सरकारी अनुसान्धानका क्रममा अमेरिकाको पूर्वराष्ट्रपति समेत रहेका ट्रम्पले चुनावी अभियानका लागि मस्कसँग उक्त रकम लिएको खुलेको हो ।
सरकारी अनुसन्धान अधिकारीका अनुसार एलन मस्कले ट्रम्पको समर्थक अभियान समूह ‘अमेरिका पीएसी’लाई ३ महिनामा करिब ७५ मिलियन डलर रकम दिएको खुलेको हो ।
मस्क विद्युतीय कार निर्माता कम्पनी टेस्ला, सामाजिक सञ्जाल एक्स (ट्वीटर) र स्पेश एक्सका मालिक हुन् । जुलाईमा ट्रम्पमाथि भएको हमलापछि मस्कले खुलेरै ट्रम्पको समर्थन गरेका थिए ।
हालै पेन्सिल्बेनियाको बटलरमा भएको ट्रम्पर्को यालीमा पनि मस्क सहभागी भएका थिए । बटलर ट्रम्पमाथि हमला भएको ठाउँ पनि हो ।
अमेरिकामा नयाँ राष्ट्रपतिका लागि आगामी नोभेम्बरमा निर्वाचन हुँदैछ । जसमा ट्रम्पको प्रतिद्धन्दी डेमोक्रेटिक पार्टीबाट कमला ह्यारिस उम्मेदवार छिन् ।
