काठमाडौं । साताको अन्तिम कारोबार दिन बिहीबार शेयर बजारमा झिनो अंकले घटेको छ । सूचकमा गिरावट आएपनि कारोबार रकम भने करिब ५ करोडले बढेको छ ।
शेयर बजार मापक सूचक नेप्से बिहीबार ०.६२ अंकले घटेर ११६७.४१ विन्दुमा आइपुगेको छ । आज १७२ कम्पनीको ५८ करोड ८६ लाख ७७ हजार ८८७ रुपैयाँ बराबरको कारोबार भएको छ । १६ लाख ४१ हजार २११ कित्ता शेयर किन बेच भएका छन् ।
कारोबार भएका १२ वटा समूहमध्ये ८ समूहको सूचक ओरालो लागेका छन् भने ४ समूहको सूचक उकालो लागेका छन् । निर्जीवन बीमा समूहको सूचक सबैभन्दा धेरै २४.६७ अंकले घटेको छ भने व्यापार समूहको सूचक सबैभन्दा धेरै ३५.७२ अंकले बढेको छ ।
कारोबार रकमको आधारमा आज नेपाल बैंकको कारोबार शीर्ष स्थानमा रह्यो । २३ वर्षपछि २५ प्रतिशत लाभांश दिएको नेपाल बैंकको लाभांश पाउन शेयर किन्ने अन्तिम दिन भएकाले लगानीकर्ता यसको शेयरमा झुम्मिएका हुन् । यसदिन नेपाल बैंकको मात्र १३ करोड २२ लाख ११हजार २४८ रुपैयाँको कारोबार भएको छ ।
आज नेपाल सेवा लघुवित्तको शेयर मूल्य सबैभन्दा धेरै ८.८० प्रतिशतले बढेको छ भने पाँचथर पावरको शेयर मूल्य सबैभन्दा धेरै ७.६२ प्रतिशतले घटेको छ
