काठमाडौं । नारायणगढ-काठमाडौं सडकमा ट्रेलर लगायत ठूला मालबाहक सवारीसाधन चलाउन रोक लागाइएको छ ।
यातायात व्यवस्था विभागले घटस्थापनादेखि पूर्णिमासम्म नारायणघाटदेखि काठमाडौंसम्मका सडकमा ट्रेलर लगायतका ठूला सवारी साधन सञ्चालनमा रोक लगाएको हो ।
विभागले सूचना जारी गर्दै असोज १७ गतेदेखि कात्तिक १ गतेसम्म उक्त सडकमा ट्रेलर, ट्रिपर लगायत ठूला गाडी चलाउन रोक लगाइएको जानकारी गराएको हो ।
विभागले दशैंका बेला काठमाडौं उपत्यका भित्रने र बाहिरिने यात्रुलाई सहज र सुरक्षित यात्राका लागि ठूला गाडी संचालनमा रोक लगाइएको हो । तर, खाद्यान्न लगायतका अत्यावश्यक सामान बोकेका ढुवानीका सवारीसाधन भने संचालन गर्न पाइने विभागले जनाएको छ ।
