काठमाडौं । न्यादी हाइड्रोपावरको १ करोड २७ लाख ९५ हजार कित्ता सेयरको लकइन पिरियड आगामी कात्तिक ४ गते सकिने भएको छ ।
कम्पनीको संस्थापक सेयरधनी, कर्मचारी र आयोजना प्रभावित क्षेत्रका स्थानीय बासिन्दाको नाममा रहेको उक्त सेयरको लकइन अवधि सकिने भएको हो ।
नेपाल धितोपत्र बोर्डको व्यवस्था अनुसार संस्थागत, स्थानीय र कर्मचारीको नाममा रहेको सेयर आइपीओ बाँडफाँट भएको ३ वर्षसम्म लकइनमा राख्नुपर्ने हुन्छ । कम्पनीको आइपीओ २०७८ कात्तिक ५ गते बाँडफाँट भएको थियो ।
आगामी कात्तिक ५ गतेदेखि संस्थापकहरू, स्थानीय र कर्मचारीले आफ्नो नाममा रहको न्यादीको सेयर बिक्री गर्न पाउने छन् ।
