काठमाडौं । नेपाल क्रेडिट एण्ड कमर्स (एनसीसी) बैंकले पनि गत वर्षको मुनाफाबाट शेयरधनीलाई दिने लाभांश घोषणा गरेको छ ।
बैंक संचालक समितिको आइतबार सम्पन्न ७७७ औं बैठकले २०७५/७६ को मुनाफाबाट १५.८९ लाभांश दिने प्रस्ताव गरेको छ । बैंकले १५ प्रतिशत बोनस शेयर र सोको कर प्रयोजनको लागि ०.८९ प्रतिशत नगद लाभांश वितरण गर्ने भएको छ।
हाल बैंकको चुक्ता पूँजी ८ अर्ब १३ करोड ३८ लाख ४१ हजार रुपैयाँ रहेको छ भने बोनस शेयर वितरण पछि ९ अर्ब ३५ करोड ३९ लाख १७ हजार रुपैयाँ पुग्नेछ।
बैंकले प्रस्ताव गरेको लाभांश नियामक निकाय नेपाल राष्ट्र बैंकले स्वीकृति तथा बैंकको वार्षिक साधरण सभाले अनुमोदन गरेपछि मात्र शेयरधनीले पाउनेछन् ।
