काठमाडौं । सेयर बजारमा सामान्य सुधार देखिएको छ । अघिल्लो साता करिब २२ अंकले घटेको बजार साताको पहिलो दिन १ अंकको बढोत्तरी आएको छ । कारोबार रकममा भने सामान्य गिरावट आएको छ ।
सेयर बजार मापक सूचक नेप्से आज १.१७ अंकले बढेर ११५०.८२ विन्दुमा पुगेको छ । आज १६७ कम्पनीको ३७ करोड ४४ लाख ६६ हजार ४६५ रुपैयाँ बराबरको कारोबार भएको छ । १४ लाख ८८ हजार ३०४ कित्ता सेयर किन बेच भएका छन् ।
आज कारोबार भएका १२ वटा समूहमध्ये ६ समूहको सूचक ओरालो लागेका छन् भने ६ वटै समूहको सूचक उकालो लागेका छन् । आज जीवन बीमा समूहको सूचक सबैभन्दा धेरै ४३.७७ अंकले घटेको छ भने उत्पादनमूलक समूहको सूचक सबैभन्दा धेरै ७०.७२ अंकले बढेको छ ।
कारोबार रकमको आधारमा आज शिवम् सिमेन्टको सेयर शीर्ष स्थानमा रह्यो । यसको ४ करोड ७६ लाख ८१ हजार ९३७ रुपैयाँको कारोबार भएको छ ।
आज दुई कम्पनीको सेयर मूल्यमा पोजेटिभ सर्किट लागेको छ । शिवम् सिमेन्ट र पाँचथर पावर कम्पनीकोे मूल्य करिब १० प्रतिशतले बढेको छ । नेपाल फाइनान्स कम्पनीको मूल्यमा भने नेगेटिभ सर्किट लागेको छ । यसको मूल्य ९.८१ प्रतिशतले घटेको छ ।
