काठमाडौं । एशियन लाइफ इन्स्योरेन्सको ५ लाख ३० हजार ४६ कित्ता संस्थापक (प्रमोटर)सेयर बिक्रीमा आएको छ ।
कम्पनीले विद्यमान संस्थापक सेयरधनीको नाममा रहेको उक्त सेयर लिलामीमार्फत बेच्न लागेको हो ।
उक्त सेयरमा इच्छुक इन्स्योरेन्सका संस्थापक सेयरधनीका साथै जो कोही व्यक्ति वा संस्थाले आवेदन दिन सक्नेछन् । सेयर खरिद गर्न इच्छुकले भदौ ११ गतेभित्र आवेदन दिइसक्नुपर्नेछ ।
लगानीकर्ताले बोलपत्र पेस गर्दा न्यूनतम मूल्य २७५ रुपैयाँ नघटाइ आवेदन दिनुपर्नेछ । कम्तीमा २ लाख कित्ताको लागि आवेदन दिनुपर्नेछ ।
इच्छुक लगानीकर्ताले बिक्री प्रबन्धक एनआइएमबी एस क्यापिटल लाजिम्पाट, काठमाडौंमा बोलपत्र पेश गर्नुपर्नेछ ।
