काठमाडौं । सांग्रिला डेभलपमेन्ट बैंकले गत आर्थिक वर्षको मुनाफाबाट सेयर धनीलाई दिने लाभांश घोषणा गरेको छ ।
शुक्रबार बसेको बैंक सञ्चालक समितिको २३८ औं बैठकले कर सहित ८.९५ प्रतिशत नगद लाभांश वितरण गर्ने प्रस्ताव गरेको छ । बैंकले नगद लाभांश वापत २३ करोड ३५ लाख ३७ हजार २९६ रुपैयाँ वितरण गर्ने छ ।
प्रस्तावित लाभांश नियामक निकाय नेपाल राष्ट्र बैंकको स्वीकृती तथा बैंकको आगामी वार्षिक साधारण सभाले पारित गरेपछि सेयरधनीले पाउनेछन् ।
हाल बैंकको चुक्ता पूँजी २ अर्ब ६० करोड ६६ लाख ४० हजार ४ सय रुपैयाँ छ ।
