काठमाडौं । एशियन लाइफ इन्स्योरेन्सको २ लाख ७१ हजार ४६ कित्ता संस्थापक (प्रमोटर)सेयर बिक्रीमा आएको छ ।
कम्पनीले विद्यमान संस्थापक सेयरधनीको नाममा रहेको उक्त सेयर लिलामीमार्फत बेच्न लागेको हो ।
उक्त सेयरमा इच्छुक इन्स्योरेन्सका संस्थापक सेयरधनीका साथै जो कोही व्यक्ति वा संस्थाले आवेदन दिन सक्नेछन् । सेयर खरिद गर्न इच्छुकले साउन २८ गतेभित्र आवेदन दिइसक्नुपर्नेछ ।
लगानीकर्ताले बोलपत्र पेस गर्दा न्यूनतम मूल्य ३५० रुपैयाँ नघटाइ आवेदन दिनुपर्नेछ ।
इच्छुक लगानीकर्ताले एशियन लाइफ इन्स्योरेन्सको केन्द्रीय कार्यालय मौतिदेवी, काठमाडौंमा लिखित निवेदन दिनुपर्नेछ ।
