काठमाडौं । सेयर बजारमा दोहोरो अंकको गिरावट आएको छ । गत साता १६ अंकले घटेको नेप्से यस साता पहिलो दिनमै १४ अंकले घटेको हो । पछिल्ला ३ कारोबार दिनमै नेप्से ३४ अंकले घटेको छ ।
आइतबार नेप्से परिसूचक १४.८३ अंकले घटेर २०३७.०९ बिन्दुमा आइपुगेको छ । आज ३२० कम्पनीको ९१ लाख ७८ हजार ८९५ कित्ता सेयर किनबेच भएको छ ।
कारोबारमा आएका १३ वटा समूहमध्ये २ समूहको परिसूचक बढेको छ भने १० को घटेको छ । फाइनान्स समूहको परिसूचक सर्वाधिक ०.३४ प्रतिशतले बढेको छ भने माइक्रोफाइनान्स समूह १.३७ प्रतिशतले घटेको छ ।
आज नेपाल फाइनान्सको सर्वाधिक कारोबार भएको छ । यसको १२ करोड ८८ लाख रुपैयाँ बढीको १ लाख ४१ हजार ९३७ कित्ता सेयर किनबेच भएको छ ।
कारोबारमा आएका मध्ये ४९ कम्पनीको मात्रै सेयर मूल्य बढेको छ भने १९० कम्पनीको घटेको छ ।
घट्दो बजारमा मुक्तिनाथ कृषि कम्पनीका सेयरधनीले सर्वाधिक ७.०६९ प्रतिशत कमाएका छन् भने मनकामना स्मार्ट लघुवित्तका सेयरधनीले ९.३ प्रतिशत गुमाएका छन् ।
त्यसैगरी, साधना लघुवित्तको ८.७७ प्रतिशत, गणपति माइक्रोफाइनान्स, मन्दाकिनी हाइड्रोपाव र माउन्टेन हाइड्रको सेयर मूल्य ५ प्रतिशतभन्दा धेरै घटेको छ ।
