काठमाडौं । हिमालयन रि इन्स्योरेन्सको १५ लाख कित्ता सेयरको लकइन पिरियड आगामी असार १० गते सकिने भएको छ ।
कम्पनीले सामूहिक लगानी कोषहरूको लागि छुट्याइएको साधारण सेयरको लकइन पिरियड असार १० गते सकिने भएको हो ।
नेपाल धितोपत्र बोर्डले सामूहिक लगानी कोषहरूले आइपीओमा पाएको सेयर ६ महिना लकइनमा राख्नुपर्ने व्यवस्था छ । कम्पनीको आइपीओ गत पुस ११ गते बाँडफाँट भएको थियो । साे अनुसार असार १० गते लकइन पिरियड सकिने भएको हो ।
असार ११ गतेदेखि सामूहिक लगानी कोषहरूले आफ्नो नाममा रहको हिमालयन रिको आइपीओ बिक्री गर्न पाउने छन् ।
