काठमाडौं । सेयर बजारमा सामान्य गिरावट आएको छ । बजार खुलेदेखि ओरालो लागेको नेप्से अन्त्यमा साढे ४ अंकले घटेर बन्द भएको हो ।
आइतबार नेप्से परिसूचक ४.५९ अंकले घटेर २०७३.१९ बिन्दुमा आइपुगेको छ । सूचकमा गिरावट आए पनि कारोबार रकम भने बढेको छ ।
आज ३१३ कम्पनीको ५ अर्ब १८ करोड रुपैयाँ बढीको १ करोड ४ लाख ५२ हजार १२८ कित्ता सेयर किनबेच भएको छ ।
कारोबारमा आएका १३ वटा उपसमूहमध्ये ५ को परिसूचक बढेको छ भने ८ को घटेको छ । आज होटल उपसमूहको परिसूचक सर्वाधिक २.९२ प्रतिशतले बढेको छ भने व्यापार उपसमूहको परिसूचक १.५४ प्रतिशतले घटेको छ ।
आज एनआरएन इन्फ्रास्ट्रक्चर कम्पनीको सर्वाधिक कारोबार भएको छ । यसको ३२ करोड ३ लाख रुपैयाँको ५ लाख २ हजार ४२१ कित्ता सेयर किनबेच भएको छ ।
कारोबारमा आएका मध्ये ९७ कम्पनीको सेयर मूल्य बढेको छ भने १४७ कम्पनीको घटेको छ ।
घट्दो बजारमा पनि आज ५ कम्पनीको सेयर मूल्यमा पोजेटिभ सर्किट लागेको छ । इस्टर्न हाइड्रोपावर, शुभम पावर, सिटी होटल, कुथेली बुखरी स्मल हाइड्रोपावर र भगवती हाइड्रोपावरको सेयर मूल्य १० प्रतिशत बढेको छ ।
आज बुद्ध भूमि नेपाल हाइड्रोपावरका सेयरधनीले भने सर्वाधिक १० प्रतिशत गुमाएका छन् ।
