काठमाडौं । सरकारले आगामी आर्थिक वर्षको लागि १८ खर्बभन्दा बढीको बजेट सार्वजनिक गर्ने भएको छ । आज दिउँसो १ बजे संघिय संसदको दुबै सदनको संयुक्त बैठकमा अर्थमन्त्री वर्षमान पुनले आगामी वर्षको बजेट प्रस्तुत गर्नेछन् ।
सरकारले निकै पपुलिस्ट बजेट बनाउन लागेको चर्चा यसअघि नै भएको थियो । पूर्वलडाकुलाई प्याकेज, स्टार्टअप कम्पनीको ठोस योजना र विपन्न वर्गको लागि उचित कार्ययोजना बजेटले बनाउने बताइदै आएको छ ।
प्रधानमन्त्रीको निर्देशन अनुसार बजेट बनेको कारण श्रोतको सुनिश्चिता नभएपनि सुरुमा १८ खर्ब माथिको बजेट ल्याउन लागिएको हो । यसअघिका बजेटहरु पनि लगातार श्रोतको कमी र खर्च गर्ने क्षमता कमजोर हुँदा सम्सोधन गरिदै आएको थियो ।
आज संघिय संसदको दुबै सदनको बैठक १ बजे बस्नेछ ।
