काठमाडौं । नेपाल स्टक एक्सचेन्ज (नेप्स)मा ३ कम्पनीको सेयर सूचीकृत भएको छ ।
नेप्सेमा सोमबार समता घरेलु लघुवित्त वित्तीय संस्था र युनाइटेड इदी मर्दी हाइड्रोपवारको बोनस सेयर र अरुण भ्याली हाइड्रोपावरको हकप्रद सेयर सूचीकृत भएको हो ।
नेप्सेमा समता घरेलुले गत आवको नाफाबाट वितरण गरेको ५.४२ प्रतिशत (२ लाख १३ हजार ७२०.७१ कित्ता) र युनाइटेडको इदी मर्दीको ५ प्रतिशत (२ लाख ३१ हजार कित्ता) बोनस सेयर सूचीकृत भएको छ ।
त्यस्तै, अरुण भ्याली हाइड्रोपावरको १०० प्रतिशत अर्थात् १ करोड ८६ लाख ७९ हजार ६२६ कित्ता हकप्रद सेयर सूचीकृत भएको छ ।
तीनै कम्पनीको सूचीकृत सेयर सम्बन्धित सेयरधनीहरूको डिम्याट खातामा जम्मा भएपछि मात्र दोस्रो बजारमा खरिदबिक्री गर्न सक्नेछन् ।
