काठमाडौं । नेपाल स्टक एक्सचेन्ज (नेप्से)मा सूचीकृत दुई इन्स्योरेन्सको लाभांश सुरक्षित गर्ने आज अन्तिम दिन रहेको छ । सूर्यज्योति लाइफ इन्स्योरेन्स र प्रभु इन्स्योरेन्सले गत आर्थिक वर्ष २०७९/८० को मुनाफाबाट घोषणा गरेको लाभांश सुरक्षित गर्ने आज अन्तिम दिन हो ।
साधरण सभा तथा लाभांश प्रयोजनका लागि दुवै कम्पनीले भोलि (वैशाख ७ गते) बुकक्लोज मिति तोकेका छन् । सो अनुसार दुवै कम्पनीको आजसम्म कायम रहने सेयरधनीले मात्र लाभांश पाउने छन् ।
सूर्यज्योतिले गत वर्षको नाफाबाट १०.२६ प्रतिशत बोनस सेयर र कर प्रयोजनसहित २४.७४ प्रतिशत नगद गरी कुल ३५ लाभांश घोषणा गरेको छ । उक्त लाभांश पारित गर्न कम्पनीले वैशाख २१ गते १६ औं वार्षिक साधरण सभा बोलाएको हो । कम्पनीको सभा होटल हैरिसन प्यालेस, विराटनगरमा बिहान १० बजे सुरु हुनेछ ।
त्यस्तै, प्रभु इन्स्योरेन्सले गत वर्षको नाफाबाट ४.७५ प्रतिशत बोनस सेयर र ०.२५ प्रतिशत नगद गरी कुल ५ प्रतिशत लाभांश घोषणा गरेको छ । उक्त लाभांश पारित गर्न कम्पनीले वैशाख २० गते २८ औं वार्षिक साधारण सभा बोलाएको छ । कम्पनीको सभा केन्द्रीय कार्यालय, तीनकुने, काठमाडौंमा बिहान १० बजे सुरू हुनेछ ।
दुवै कम्पनीको साधरण सभाले प्रस्तावित लाभांश पारित गरेपछि सेयरधनीले पाउने छन् ।
