काठमाडौं । सर्वोच्च अदालतले मेडिकल व्यवसायी दुर्गा प्रसाईंको बीएण्डसी मेडिकल कलेजलाई सम्बन्धन दिन आदेश दिएको छ ।
साेमबार सर्वोच्वका न्यायाधीशद्धय डा. कुमार चुडाँल र सारङ्गा सुवेदीको संयुक्त इजलासले प्रक्रिया पुगेको भए बी एण्ड सी कलेजलाई संचालन अनुमति दिन आदेश दिएको हो ।
सरकारले आशयपत्र दिएर पनि संचालन अनुमति नदिएको भन्दै व्यवसायी प्रसाईंले ०७७ असार २१ गते काठमाडौं विश्वविद्यालय, चिकित्सा शिक्षा आयोग लगायतका निकायलाई विपक्षी बनाई सर्वोच्च अदालतमा रिट दायर गरेका थिए ।
उक्त रिटको चैत ६ गते भएको सुनुवाइको भएको थियो भने फैसला आज आएको हो ।शिक्षा मन्त्रालयले २०६८ माघ १४ गते मेडिकल कलेज सञ्चालनका लागि दिएको मनसायपत्र दिएको थियो ।
सरकारले आशयपत्र दिएपछि प्रसाईंले विभिन्न बैंकबाट ऋण लिएर कलेजको भौतिक पूर्वाधार तयार पारेका थिए । तर, सरकारले अनुमति नदिँदा अझै संचालनमा आउन सकेको छैन ।
प्रसाईंले पछिल्लो समय बैंक तथा वित्तीय संस्थाविरुद्ध आन्दोलन र अराजक अभिव्यक्ति दिँदै आएका छन् ।
