काठमाडौं । सर्वोत्तम सिमेन्टको प्राथमिक साधरण सेयर (आइपीओ) सेयरधनीको डिम्याट खातामा जम्मा भएको छ ।
गत फागुन २५ गते आइपीओ बाँडफाँट गरेको कम्पनीले एक सातामै सेयर डिम्याट खातामा पठाएको हो । कम्पनीको सेयर ‘SARBTM ’ संकेत चिह्नमा डिम्याटमा आएको हो ।
सेयर डिम्याट खातामा पठाएसँगै नेप्सेमा सूचीकरण प्रक्रिया अघि बढाइएको कम्पनीले जनाएको छ । नेप्सेमा सूचीकृत भएको भोलिपल्टदेखि कम्पनीको सेयर दोस्रो बजारमा कारोबारमा आउने छ ।
कम्पनीले फागुन १३ देखि १६ गतेसम्म बुक बिल्डिङ विधिबाट सर्वसाधरणलाई २७ लाख ७६ हजार ७६ कित्ता सेयर बिक्रीमा ल्याएको थियो । जसमा गोलाप्रथाबाट ५५ हजार ५२१ जना आवेदकले ५० कित्ताका दरले सेयर पाएका थिए भने भाग्मानी २६ जनाले थप १/१ कित्ता सेयर पाएका थिए ।
