काठमाडौं । सेयर बजारमा दोहोरो अंकको गिरावट आएको छ । करेक्शन आएको छ । बजार खुलेदेखि ओरालो लागेको नेप्से अन्तइमा २७ अंकले घटेर बन्द भएको हो ।
सूचकसँगै आज कारोबार रकममा पनि गिरावट आएको छ । अघिल्लो दिनको तुलनामा आज कारोबार रकम २७ करोडले घटेर ३ अर्ब ९४ करोड रुपैयाँमा सीमित भएको छ ।
बिहीबार नेप्से परिसूचक २७.८४ अंकले घटेर २०८०.८७ बिन्दुमा आइपुगेको छ । यसदिन ३०३ कम्पनीको १ करोड १४ लाख ८३ हजार ६१७ कित्ता सेयर किनबेच भएको छ ।
आज कारोबारमा आएका १३ वटै उपसमूहहको परिसूचक घटेको छ । जीवन बीमा समूहको परिसूचक सर्वाधिक २.६५ प्रतिशतले घटेकोे छ ।
आज लगानीकर्ता अपर तामाकोशीको सेयरमा झुम्मिएका छन् । यसको ५० करोड बढीको २७ लाख ६८ हजार कित्ता सेयर किनबेच भएको छ ।
दोहोरो अंकले घटेको बजारमा पनि आज दुई कम्पनीको सेयर मूल्यमा पोजेटिभ सर्किट लागेको छ । विन नेपाल र मानुषी लघुवित्तको सेयर मूल्य ठ्याक्कै १० प्रतिशतले बढेको छ ।
आज स्वाभिमान लघुवित्तका सेयरधनीले सर्वाधिक ६.०२ प्रतिशत गुमाएका छन् ।
