काठमाडौं । नेपाल स्टक एक्सचेन्ज (नेप्से)मा थप दुई कम्पनीको बोनस सेयर सूचीकृत भएको छ । सोमबार नेप्सेमा छिमेक लघुवित्त वित्तीय संस्था र युनिभर्सल पावरको बोनस सेयर सूचीकृत भएको छ ।
दुवै कम्पनीले गत आर्थिक वर्ष २०७९/८० को मुनाफाबाट वितरण गरेको बोनस सेयर सूचीकृत भएको हो । नेप्सेका अनुसार छिमेक लघुवित्तको ५ प्रतिशत अर्थात् १४ लाख १७ हजार ७०१ कित्ता बोनस सेयर सूचीकृत भएको छ ।
त्यस्तै, युनिभर्सलको ८.५५ प्रतिशत अर्थात् १७ लाख ९५ हजार ७९९.२५ कित्ता बोनस सेयर सूचीकृत भएको हो ।
दुवै कम्पनीको सूचीकृत बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदबिक्री गर्न सक्नेछन् ।
