काठमाडौं । सेयर बजारमा दोहोरो अंकको गिरावट आएको छ । यसअघिका ४ दिनमा लगातार ३५ अंकले बढेको नेप्से आज १० अंकले घटेको हो ।
आइतबार नेप्से परिसूचक १०.५० अंकले घटेर २०८५.८२ विन्दुमा आइपुगेको छ । यसदिन ३०५ कम्पनीको ४ अर्ब ८ करोड रुपैयाँ बढीको १ करोड ५ लाख ७१ हजार १९९ कित्ता सेयर बिनबेच भएको छ ।
आज कारोबारमा आएका १३ वटा उपसमूहमध्ये ३ समूहको परिसूचक बढेको छ भने १० को घटेको छ । उत्पादनमूलक समूहको परिसूचक सर्वाधिक २.८८ प्रतिशतले घटेको छ ।
आज पनि हिमालयन रि-इन्स्योरेन्सको सर्वाधिक कारोबार भएको छ । यसको ६२ करोड ४७ लाख रुपैयाँको ८ लाख ८७ हजार १७० कित्ता सेयर किनबेच भएको छ ।
घट्दो बजारमा आज २ कम्पनीको सेयर मूल्यमा पोजेटिभ सर्किट लागेको छ । समाज लघुवित्त र कुथेली बुखरी स्मल हाइड्रोपावरको सेयर मूल्य १० प्रतिशतले बढेको छ ।
