काठमाडौं । नेपाल स्टक एक्सचेन्ज (नेप्से)को कारोबार प्रणाली (सिस्टम) ३ दिनसम्म बन्द हुने भएको छ ।
नेप्सेका अनुसार विद्युत् मर्मत तथा सम्भार सम्बन्धी कार्यका लागि पुस २६ गते (साँझ ५ बजे)देखि पुस २८ गते (राति ११ बजेसम्म) बन्द हुने भएको हो ।
यद्यपि, नेप्सेको सिष्टम ३ दिन बन्द हुने भए पनि लगानीकर्ता भने खासै प्रभावित हुने छैनन् । बिहीबार कारोबार सकिएपछि बन्द हुने र आइतबार कारोबार समय अगावै सिस्टम खुल्ने भएकाले ठूलो असर नपर्ने देखिन्छ ।
विद्युतीय प्रणाली अद्यावधिक गर्न सिष्टम बन्द गर्नु परेकोमा नेप्सेले क्षमा समेत मागेको हो ।
