काठमाडौं । हाइड्रोइलेक्ट्रीसिटी इन्भेष्टमेन्ट एन्ड डेभलपमेन्ट कम्पनी (एचआइडीसीएल)ले गत आर्थिक वर्ष २०७९/८० को मुनाफाबाट घोषणा गरेको लाभांश पारित गर्न साधरण सभा बोलाएको छ ।
कम्पनीले पुस २९ गते बाह्रौं वार्षिक साधरण सभा बोलाएको हो । कम्पनीको सभा बानेश्वर ब्यांक्वेट, नयाँबानेश्वर, काठमाडौंमा बिहान १० बजे सुरु हुनेछ ।
कम्पनीले सभामा गत वर्षको नाफाबाट घोषणा गरेको ५.२६ प्रतिशत नगद (करसहित) लाभांश पारित गर्ने प्रस्ताव मुख्य एजेन्डाको रुपमा लैजाने भएको छ । प्रस्तावित लाभांश सो सभाले पारित गरेपछि सेयरधनीले पाउने छन् ।
कम्पनीले साधरण सभा तथा लाभांश प्रयोजनका लागि पुस १८ गते बुकक्लोज मिति तोकेको छ । सो अनुसार पुस १७ गतेसम्म कायम सेयरधनीले मात्र लाभांश पाउने छन् ।
