काठमाडौं । नेपाल स्टक एक्सचेन्ज (नेप्स)मा सवा ४० लाख कित्ता हकप्रद सेयर सूचीकृत भएको छ । आइतबार नेप्सेमा सिनर्जी पावर डेभलपमेन्टको ४० लाख ३२ हजार ८७५ कित्ता हकप्रद सेयर सूचीकृत भएको हो ।
कम्पनीले गत भदौ ३ गतेदेखि ३१ गतेसम्म चुक्ता पूँजीको ५० प्रतिशत अर्थात् ४० करोड ३२ लाख ८७ हजार ५०० रुपैयाँ बराबरको ४० लाख ३२ हजार ८७५ कित्ता हकप्रद बिक्रीमा ल्याएको थियो ।
नेप्सेमा सूचीकृत हकप्रद सेयर सम्बन्धित सेयरधनीहरुको डिम्याट खातामा जम्मा भएपछि मात्र दोस्रो बजारमा खरिदबिक्री गर्न सक्नेछन् ।
