काठमाडौं । तारागाउँ रिजेन्सी होटल्सले गत आर्थिक वर्ष २०७९/८० को मुनाफबाट लाभांश घोषणा गरेको छ ।
कम्पनी संचालक समितिको मंसिर १६ गते बसेको बैठकले सेयरधनीलाई ४ प्रतिशत बोनस सेयर र कर प्रयोजनसहित ११ प्रतिशत नगद गरी कुल १५ प्रतिशत लाभांश दिने घोषणा गरेको हो ।
कम्पनीले घोषणा गरेको यो लाभांश अघिल्लो आव २०७८/७९ को तुलनामा झन्डै दोब्बर हो । सो आवमा कम्पनीले ८.४२ प्रतिशत नगद लाभांश दिएको थियो ।
प्रस्तावित लाभांश कम्पनीको आगामी वार्षिक साधरण सभाले पारित गरेपछि मात्रै सेयरधनीले पाउने छन् ।
