काठमाडौं । सेयर बजारमा सामान्य सुधार भएको छ । गत सोमबारदेखि लगातार ओरालो लागेको नेप्से तीन काराेबार दिनपछि आज ५ अंकले बढेकाे हो ।
सोमबार नेप्से परिसूचक ५.१९ अंकले बढेर १९७६.२९ विन्दुमा पुगेको छ । यसदिन २८६ कम्पनीको १ अर्ब ७३ करोड रुपैयाँ बढीको ५७ लाख ७६ हजार ८९६ कित्ता सेयर किनबेच भएको छ ।
आज कारोबारमा आएका १३ वटै समूहमध्ये उत्पादनमूलक र होटल बाहेक अरु सबै समूहको परिसूचकमा सुधार आएको छ । विकास बैंक समूहको परिसूचक सबैभन्दा धेरै १.३३ प्रतिशतले बढेको छ ।
आज एनआइसी एशिया बैंकको सर्वाधिक कारोबार भएको छ । यसको साढे २१ करोड रुपैयाँ बढीको सेयर किनबेच भएको छ ।
सामान्य अंकले बढेको बजारमा आज दुई कम्पनीको सेयर मूलयमा पोजेटिभ सर्किट लागेको छ । सीवाइसी नेपाल लघुवित्त र सयपत्री हाइड्रोपवारका सेयरधनीले १० प्रतिशत कमाएका छन् ।
