काठमाडौं । सानिमा बैंकले गत आर्थिक वर्ष २०७९/८० को मुनाफाबाट घोषणा गरेको लाभांश पारित गर्न साधरण सभा बोलाएको छ ।
बैंकले कात्तिक २ गते १९ औं वार्षिक साधरण सभा बोलाएको हो । बैंकको सभा कुण्डलिनी दरबार ब्याङ्गकेट, चण्डोल, काठमाडौंमा बिहान ११ बजे सुरु हुनेछ ।
बैंकले सभामा गत वर्षको नाफाबाट घोषणा गरेको १४.७९ प्रतिशत (९% बोनस सेयर र करसहित ५.७९% नगद) लाभांश पारित गर्ने प्रस्ताव एजेन्डा लैजाने भएको छ । प्रस्तावित लाभांश बैंकको सो सभाले पारित गरेपछि सेयरधनीले पाउने छन् ।
बैंकले साधरण सभा तथा लाभांश प्रयोजनका लागि असोज २२ गते बुकक्लोज मिति तोकेको छ । सो अनुसार असोज २१ गतेसम्म कायम सेयरधनीले मात्र लाभांश पाउने छन् ।
