काठमाडौं । सेयर बजारमा गिरावट आएको छ । आइतबार एकैदिन २९ अंकले घटेर सोमबार ७ अंकले बढेको नेप्से आज फेरि ६ अंकले घटेको हो ।
मंगलबार नेप्से परिसूचक ६.४५ अंकले घटेर १९६१.३७ विन्दुमा आइपुगेको छ । यसदिन २७७ कम्पनीको २४ लाख ८० हजार ९२९ कित्ता सेयर किनबेच भएको छ ।
सूचकसँगै आज कारोबार रकममा पनि उच्च गिरावट आएको छ । अघिल्लो दिनको तुलनामा करोबार रकम ३० करोडले घटेर ७९ करोडमा सीमित भएको छ । यो पछिल्लो तीन महिना यताकै कम हो ।
आज कारोबारमा आएका १३ वटा उपसमूहमध्ये व्यापार र उत्पादनमूलक समूह बाहेक अरु सबैको परिसूचक घटेको छ । होटल उपसमूहको परिसूचक सबैभन्दा धेरै ०.७९ प्रतिशतले घटेको छ ।
आज हिमालयन एभरेष्ट इन्स्योरेन्सको प्रमोटर सेयर सर्वाधिक कारोबार भएको छ । यसको साढे ७ करोड रुपैयाँ बढीको सेयर किनबेच भएको छ ।
घट्दो बजारमा आज दुई कम्पनीको सेयर मूल्यमा पोजेटिभ सर्किट लागेको छ । एनएमबी माइक्रोफाइनान्स र नेरुडे लघुवित्तको सेयर मूल्य १० प्रतिशतले बढेको छ ।
