काठमाडौं । सेयर बजारमा सुधार आएको छ । आइतबार एकैदिन २९ अंकले घटेको नेप्से आज ७ अंकले बढेको हो ।
सोमबार नेप्से परिसूचक ७.०४ अंकले बढेर १९६७.८३ विन्दुमा पुगेको छ । यसदिन २७० कम्पनीको १ अर्ब ९ करोड रुपैयाँ बराबरको ३४ लाख ३२ हजार २६७ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये फाइनान्स बाहेक अरु सबैको परिसूचकमा हरियाली छाएको छ । व्यापार उपसमूहको परिसूचक सबैभन्दा धेरै १.०६ प्रतिशतले बढेको छ ।
आज आइएमई लाइफ इन्स्योरेन्सको सर्वाधिक कारोबार भएको छ । यसको ५ करोड रुपैयाँ बढीको सेयर किनबेच भएको छ ।
सामान्य अंकले बढेको बजारमा आज ५ कम्पनीको सेयर मूल्यमा पोजेटिभ सर्किट लागेको छ । थ्रीस्टार हाइड्रोपावरका सेयरधनीले ठ्याक्कै १० प्रतिशत कमाएका छन् ।
त्यसैगरी, दोल्ती पावर, ग्रीन भेन्चर, रुरु जलविद्युत् र आशा लघुवित्तका सेयर मूल्य करिब १० प्रतिशतले बढेको छ ।
