काठमाडौं । कुमारी बैंकको संस्थापक समूहको (प्रमोटर) सेयर लिलामीमा आएको छ । बैंकका केही संस्थापक सेयरधनीले आफ्नो नाममा रहेको ३ लाख ७९ हजार ७९५ कित्ता सेयर आजदेखि लिलामीमा ल्याएको हो ।
बैंकको प्रमोटर सेयर किन्न इच्छुक लगानीकर्ताले आफूले लिन चाहेको सेयर संख्य मूल्य तोकी गोप्य शिलबन्दी मार्फत आवेदन दिनु पर्नेछ ।
बैंकको सेयर खरिद गर्न इन्छुक संस्थापकले (भदौ १७ गते) देखि ३५ दिन भित्र बैंकको प्रधान कार्यालय, टंगाल वा कुमारी क्यापिटलको कार्यालय नक्सालमा निवेदन दिनुपर्नेछ ।
लिलामी सेयरमा विद्यमान संस्थापक सेयरधनीले मात्र आवेदन दिन पाउने छन् । सो अवधिमा कुनै पनि संस्थापकबाट आवेदन नपरेमा भने सर्वसाधारणले समेत किन्न सक्ने गरी बिक्री खुला गरिने बैंकले जनाएको छ ।
