काठमाडौं । आज २०औँ राष्ट्रिय धान दिवस देशैभर विभिन्न कार्यक्रम गरी मनाइँदै छ । यो वर्ष ‘जलवायु अनुकूलित कृषकमैत्री प्रविधि, धान उत्पादनमा वृद्धि’ भन्ने नाराका साथ राष्ट्रिय धान दिवसका अवसरमा सरकारी तथा निजी क्षेत्रका विभिन्न सङ्घसंस्थाले रोपाइँ कार्यक्रम गरेर धुमधामका साथ दिवस मनाइरहेका हुन् ।
यस वर्ष जलवायु अनुकूलित कृषकमैत्री प्रविधि, धान उत्पादनमा वृद्धि मूल नाराका साथ विभिन्न सरोकारवालासँगको समन्वय तथा सहकार्यमा ‘२०औँ राष्ट्रिय धान दिवस तथा रोपाइँ महोत्सव २०८०’ देशभर विभिन्न तह र स्थानमा मनाइँदै छ ।
धान दिवसका अवसरमा देशभर रोपाइँ लगायतका कार्यक्रम आयोजना गरिएको छ । कृषक, जनप्रतिनिधि, राजनितिक दलका नेता, विद्यार्थी, कलाकार लगायत रोपाइँमा सहभागी छन् ।प्रस्तुत छ धान दिवसको दिनमा रोपाइँमा सहभागीको केही तस्वीरहरू :
२० औँ राष्ट्रिय धान दिवस तथा रोपाइँ महोत्सवको अवसरमा घोराही १७ डवरीस्थित गुठी खेतमा धान रोप्दै जनप्रतिनिधि तथा कर्मचारी ।
धान दिवसको अवसरमा रोपाइँमा सहभागी हुँदै रास्वपाकी सांसद सोविता गौतम लगायत ।
शुक्रबार सुनसरीको इनरुवामा धान रोपेपछि नाचगान गर्दै स्थनाीय ।
तस्वीर : रासस/सामाजिक संजाल
