काठमाडौं । नेपाल स्टक एक्स्चेन्ज (नेप्स)मा यससाता थप तीन कम्पनीको बोनस सेयर सूचीकृत भएको छ ।
यससाता नेप्सेमा चिलिमे जलविद्युत्, प्राइम कमर्शियल बैंक र गुराँस लघुवित्त वित्तीय संस्थाको बोनस सेयर सूचीकृत भएको हो । तीनै कम्पनीको गत गत आर्थिक वर्ष २०७८/७९ को नाफाबाट वितरण भएको बोनस सेयर सूचीकृत भएको हो ।
नेप्सेमा चिलिमेको ७.५ प्रतिशत अर्थात् ५० लाख ६३ लाख ८४६.०१ कित्ता बोनस सेयर सूचीकृत भएको हो ।
त्यस्तै, प्राइमले आर्थिक वर्ष २०७८/७९ को नाफाबाट वितरण गरेको ४ प्रतिशत बोनस बापतको ७४ लाख ६२ हजार ५२९।१२ कित्ता बोनस सेयर सूचीकृत भएको छ।
त्यसैगरी, गुराँस लघुवित्तले गत आवको नाफाबाट वितरण गरेको ४ प्रतिशत अर्थात् ३९ हजार कित्ता बोनस सेयर नेप्सेमा सूचीकृत भएको हो ।
नेप्सेमा सूचीकृत तीनै कम्पनीको बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
