काठमाडौं । नेपाल स्टक एक्स्चेन्ज (नेप्स)मा थप दुई कम्पनीको बोनस सेयर सूचीकृत भएको छ । नेप्सेमा बिहीबार प्राइम लाइफ इन्स्योरेन्स र बुटवल पावर कम्पनीको बोनस सेयर सूचीकृत भएको हो ।
प्राइम लाइफले आर्थिक वर्ष २०७७/७८ को नाफाबाट वितरण गरेको १३ प्रतिशत बोनस बापतको ३६ लाख १३ हजार ५००.२५ कित्ता बोनस सेयर सूचीकृत भएको हो ।
त्यसैगरी, बुटवल पावरले गत आव २०७८/७९ को नाफाबाट वितरण गरेको ५ प्रतिशत अर्थात् १६ लाख २७ हजार ३७८ कित्ता बोनस सेयर नेप्सेमा सूचीकृत भएको हो ।
नेप्सेमा सूचीकृत दुवै कम्पनीको बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
