काठमाडौं । बलेफी हाइड्रोपावर कम्पनीले हाल कायम चुक्ता पूँजीको ५० प्रतिशत हकप्रद सेयर निष्काशन गर्ने भएको छ ।
कम्पनीको संचाल समितिको फागुन १२ गते बसेको १:०.५ सेयर अनुपातमा हकप्रद सेयर जारी गर्ने निर्णय गरेको हो ।
कम्पनीले हाल सञ्चालन गरी गरिरहेको आयोजनाको ऋण तिर्न गर्न हकप्रद सेयर निष्काशन गर्न लागेको हो।
विद्युत् नियमन आयोगको स्वीकृति र कम्पनीको आगामी साधारण सभाबाट पारित भएपछि कम्पनीको हकप्रद सेयर निष्काशन प्रक्रिया अघि बढ्ने छ । त्यसपछि नेपाल धितोपत्र बोर्डबाट अनुमति लिनुपर्नेछ ।
कम्पनीले हाल ३६ मेगावाटको माथिल्लो बलेफी ए जलविद्युत् आयोजना संचालन गरिरहेको छ ।
