काठमाडौं । नेपाल स्टक एक्स्चेन्ज (नेप्से)मा ग्लोबल आइएमई बैंक (साविकको बैंक अफ काठमाण्डू–बीओके)को ११ करोड बढी कित्ता सेयर सूचीकृत भएको छ ।
ग्लोबल आइएमई बैंकसँग गाभिएर गत पुस २५ गतेदेखि एकीकृत कारोबार गरेको बीओकेको ११ करोड २६ लाख १४ हजार ३३७.१७ कित्ता सेयर ग्लोबल आइएमई बैंकको नाममा सूचीकृत भएको हो ।
बीओकेको सो सेयर अब ग्लोबल आइएमई बैंकको नामबाट कारोबार हुनेछ । ग्लोबलसँग बीओके १:१ सेयर अनुपातमा गाभिएको हो ।
साथै, मर्जर प्रयोजनका लागि रोकिएको ग्लोबल आइएमई बैंकको सेयर कारोबार पनि फुकुवा भएको छ ।नेप्सेले बैंकको कारोबारका लागि २०९.४२ रुपैयाँ ओपन रेन्ज तोकेको छ । यसकै आधारमा मंगलबार बैंकको सेयर कारोबार खुल्ने छ ।
