काठमाडौं । नेपाल स्टक एक्स्चेन्ज (नेप्स)मा थप दुई कम्पनीको बोनस सेयर सूचीकृत भएको छ । नेप्सेमा शुक्रबार हिमालयन बैंक र राधी विद्युत् कम्पनीको बोनस सेयर सूचीकृत भएको हो ।
हिमालयनले गत आर्थिक वर्ष २०७८/७९ को नाफाबाट वितरण गरेको ८ प्रतिशत बोनस बापतको १ करोड ३ लाख ७४ हजार ९८०.५८ कित्ता बोनस सेयर सूचीकृत गरेको हो ।
त्यसैगरी, राधी विद्युत्को ४.७५ बोनस सेयर अर्थात् ७ लाख ५९ हजार ९९०.८४ कित्ता बोनस सेयर नेप्सेमा सूचीकृत भएको हो ।
नेप्सेमा सूचीकृत बोनस सेयर सम्बन्धित सेयरधनीहरुको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
