काठमाडौं । उपकार लघुवित्त वित्तीय संस्थाले गत आर्थिक वर्ष २०७८/७९ को मुनाफाबाट घोषणा गरेको बम्परलाभांश पारित गर्न साधरण सभा बोलाएको छ ।
कम्पनीले फागुण १४ गते १४ औं वार्षिक साधरण सभा बोलाएको हो । सभा कम्पनीको बाँकेको बैजनाथ-१,गाभर भ्याली सामुदायिक होमेस्टेमा हुने छ।
कम्पनीले सभामा गत वर्षको नाफाबाट घोषणा गरेको ६१.७५ बोनस सेयर र कर प्रयोजनका लागि ३.२५ प्रतिशत गरी कुल ६५ प्रतिशत लाभांश पारित गर्ने मुख्य प्रस्ताव लैजाने भएको छ ।
प्रस्तावित लाभांश कम्पनीको सो सभाले पारित गरेपछि सेयरधनीले पाउने छन् । कम्पनीले साधरण सभा प्रयोजनका लागि फागुण ४ गते बुकक्लोज मिति तोकेको छ । सो अनुसार फागुण ३ गतेसम्म कायम सेयरधनीले मात्र लाभांश पाउने छन् ।
