काठमाडौं । नेपाल स्टक एक्स्चेन्ज (नेप्से) ले कारबाहीमा परेका ३ कम्पनीको सेयर कारोबार फुकुवा गरेको छ । नेप्सेले मंगलबार महिला लघुवित्त वित्तीय संस्था, महुली लघुवित्त वित्तीय संस्था र साल्ट ट्रेडिङ कर्पोरेशनको सेयर कारोबार फुकुवा गरेको हो ।
यसअघि नेप्सेले यी तीनै कम्पनीलाई ३ दिने स्पष्टीकरण सोध्दै सेयर कारोबार रोक्का गरेको थियो । यी कम्पनीले सेयर कारोबार भइरहेकै बेला गत आर्थिक वर्ष २०७८/७९ को लाभांश सम्बन्धी पत्र नेप्सेमा पठाएको भन्दै नेप्सेले कारोबार रोक्का गरेको थियो ।
तीनै कम्पनीले अब आइन्दा यस्तो गल्ती नदोहोर्याउने प्रतिबद्धता जनाउँदै नेप्सेमा स्पष्टीकरण पेश गरेसँगै भोलिदेखि सेयर कारोबार गर्न पाउने गरी फुकुवा गरेको हो । यससँगै बुधबारदेखि तीनै कम्पनीको सेयर कारोबारमा आउने छ ।
