काठमाडौं । सेयर बजारमा करेक्शन आएको छ । यस साताको सुरुका दुई दिनमा ३५ अंकले बढेको नेप्सेमा आज झिनो करेक्शन आएको हो ।
सूचकमा झिनो गिरावट आएपनि कारोबार रकममा भने बढोत्तरी आएको छ । अघिल्लो दिनको तुलनामा कारोबार रकम ४९ करोडले बढेर झन्डै साढे ३ अर्ब पुगेको छ ।
मंगलबार नेप्से ३.०३ अंकले घटेर २०६१.०६ विन्दुमा आइपुगेको छ । यसदिन २५७ कम्पनीको ३ अर्ब ४५ करोड रुपैयाँ बढीको ८२ लाख २२ हजार ८३३ कित्ता सेयर किनबेच भएको छ ।
आज कारोबारमा आएका १३ वटा उपसमूह मध्ये ४ उपसमूहको परिसूचकमा हरियाली छाएको छ भने ९ उपसमूहको परिसूचक घटेको छ । व्यापार उपसमूह सबैभन्दा धेरै ३.१६ प्रतिशतले बढेको छ भने अन्य समूह १.७३ प्रतिशतले घटेको छ ।
आज हिमालयन डिस्ट्रीलरीको सर्वाधिक कारोबार भएको छ । यसको ४३ करोड रुपैयाँ बढीको सेयर किनबेच भएको छ । त्यस्तै, एनआइसी एशिया बैंक साढे ९ करोड र शिवम् सिमेन्ट ९ करोड बढीको कारोबार हुँदै शीर्ष तीनमा रहे ।
झिनो अंकले घटेको बजारमा ४ कम्पनीको सेयर मूल्यमा पोजेटिभ सर्किट लागेको छ । श्वेतगंगा हाइड्रोपाव र धौलागिरी लघुवित्तको सेयर मूल्य ठ्याक्कै १० प्रतिशतले बढेको छ । त्यस्तै, अजोड इन्स्योरेन्स र खप्तड लघुवित्तका सेयरधनीले पनि करिब १० प्रतिशत कमाएका छन् ।
