काठमाडौं । नेपाल स्टक एक्स्चेन्ज (नेप्से)ले ३ कम्पनीको सेयर मूल्य समायोजन गरेको छ । नेप्सेले गरिमा विकास बैंक, नेपाल इन्स्योरेन्स र प्राइम लाइफ इन्स्योरेन्सको सेयर मूल्य समायोजन गरेको हो ।
तीनै कम्पनीले साधारण सभा तथा लाभांश वितरण प्रयोजनार्थ पुस ८ गते बुकक्लोज गरेसँगै नेप्सेले सेयर मूल्य समायोजन गरी नयाँ मूल्य निर्धारण गरेको हो।
गरिमाको आव २०७८/७९ को नाफाबाट वितरण गर्ने १३ प्रतिशत बोनसपछि मूल्य समायोजन भएको हो । नेप्सेका अनुसार समायोजनपछि कम्पनीको नयाँ सेयरमूल्य ३३०.९७ रुपैयाँ कायम भएको छ ।
त्यसैगरी, नेपाल इन्स्योरेन्सले गत वर्षको नाफाबाट वितरण गर्ने ८ प्रतिशत बोनस सेयरका आधारमा मूल्य समायोजन भएको हो । समायोजनपछि कम्पनीको सेयर मूल्य ३८७.९६ रुपैयाँ निर्धारण भएको छ ।
त्यस्तै, प्राइम लाइफले वितरण गर्ने १३ प्रतिशत बोनस सेयरका आधारमा सेयर मूल्य समायोजन गरिएको हो । प्राइमको नयाँ मूल्य ५०३.५४ रुपैयाँ निर्धारण गरिएको छ ।
यही समायोजित मूल्यका आधारमा आइतबार तीनै कम्पनीको दोस्रो बजारमा सेयर कारोबार खुल्नेछ।
