काठमाडौं । सेयर बजारमा झिनो गिरावट आएको छ । दिन भर घटबढ भइरहेको नेप्से अन्त्यमा २ अंकले घटेर बन्द भएको हो ।
सूचकसँगै कारोबार रकममा पनि गिरावट आएको छ । अघिल्लो दिनको तुलनामा कारोबार रकम ५ करोडले घटेर ७२ करोडमा सीमित भएको छ ।
बुधबार नेप्से २.६२ अंकले घटेर १८९७.०८ विन्दुमा आइपुगेको छ । यसदिन २४६ कम्पनीको ७२ करोड ७८लाख रुपैयाँ बढीको २० लाख ८७ हजार ८७६ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये ५ समूहको परिसूचक बढेको छ भने ८ समूहको राताम्मे भएको छ । सामूहिक लगानी कोष समूह सबैभन्दा धेरै ०.९४ प्रतिशतले घटेको छ ।
आज नेपाल टेलिकमको सर्वाधिक कारोबार भएको छ । यसको ५ करोड रुपैयाँ बढीको सेयर किनबेच भएको छ । त्यस्तै, कृषि विकास बैंक पौने ५ करोड र नबिल बैंक ४ करोड बढीको कारोबार हुँदै शीर्ष तीनमा रहे ।
झिनो अंकले घटेको बजारमा आज दुई कम्पनीको सेयर मूल्यमा पोजेटिभ सर्किट लागेको छ । सीवाइर्सी लघुवित्त र इस्टर्न हाइड्रोपावरका सेयरधनीले ठ्याक्कै १० प्रतिशत कमाएका छन् ।
