काठमाडौं । मोलुङ हाइड्रोपावर कम्पनी लिमिटेडले प्राथमिक साधरण सेयर (आइपीओ) निष्काशन गर्न अनुमति पाएको छ ।
नेपाल धितोपत्र बोर्डले कम्पनीलाई मंसिर १५ गते आइपीओ जारी गर्न अनुमति दिएको हो ।
कम्पनीले प्रतिकित्ता १०० रुपैयाँदरले ३५ करोड ३१ लाख रुपैयाँ बराबरको ३५ लाख ३१ हजार कित्ता आइपीओ जारी गर्न अनुमति पाएको हो ।
कम्पनीले उक्त सेयर आयोजना प्रभावित क्षेत्रका वासिन्दा र सर्वसाधरणका लागि जारी गर्नेछ ।
कम्पनीले यसअघि नै आइपीओ जारी गर्न सनराइज क्यापिटललाई सेयर निष्काशन तथा विक्री प्रबन्धकमा नियुक्त गरिसकेको छ ।
