काठमाडौं । बुधबार सेयर बजार सामान्य अंकले बढेकाे छ । पछिल्ला केही दिनयता उच्च अंकले बढेकाे नेप्से परिसूचक आज ७.३२ अंकले बढेर १९३८.३० काे बिन्दुमा राेकिएकाे हाे ।
यसदिन २२७ कम्पनीको ४३ लाख ४६ हजार कित्ता बढी सेयर किनबेच भएकाे नेप्सेले जनाएकाे छ ।
आज १ अर्ब ४६ कराेड रूपैयाँ बराबरकाे सेयर किनबेच भएकाे छ ।
काराेबारमा आएका उपसमूह मध्ये तीनवटाकाे सेयर मूल्य घटेकाे छ भने अन्य उपसमूहकाे बढेकाे छ ।
यसदिन सर्वाधिक शिवम् सिमेन्ट्सको ७ करोड ८ लाख रुपैयाँमाथिको कारोबार भएको छ । त्यस्तै, नबिल बैंकको ५ करोड ६६ लाख, रिडी हाइड्रोपावरको ५ करोड १९ लाख, गोर्खाज फाइनान्सको ३ करोड ९४ लाख र हिमालयन डिस्टिलरीको ३ करोड ८८ लाख रुपैयाँमाथिको कारोबार भएको छ ।
आज सबैभन्दा धेरै कर्पाेरेट डेभलपमेन्ट र कर्णाली डेभलपमेन्ट बैंकका लगानीकर्ताले कमाएका छन् । यी कम्पनीको सेयर मूल्य ८/८ प्रतिशत बढीले बढेकाे छ ।
आज सबैभन्दा धेरै गुमाउनेमा सबैकाे लघुवित्त वित्तीय संस्था र माहुली लघुवित्त वित्तीय संस्थाका लगानीकर्ता रहेका छन् । यी कम्पनीकाे सेयर मूल्य साढे ३/३ प्रतिशतले घटेकाे छ ।
