काठमाडौं । बुढानिलकण्ठमा पाँच तारे होटल खुल्ने भएको छ । कैलाश हस्पिटालिटीले बुढानिलकण्ठमा स्टार होटल सञ्चालनमा ल्याउन लागेको हो ।
२ अर्ब ४० करोड रुपैयाँ लगानीमा बुढानिलकण्ठ हेरिटेज होटल तथा रेष्टुरेन्ट सञ्चालनमा ल्याउन लागिएको हो । उक्त होटलमा १०२ बेड हुने छ । ३०० सिट क्षमता भएको रेष्टुरेन्ट सहितको यो होटल तारे होटलको रुपमा चिनिने छ ।
पर्यटन गन्तव्यस्थलको रुपमा रहेको बुढानिलकण्ठलाई यस होटलले अझै बढि आकर्षणको गन्तव्य बनाउने देखिन्छ । होटल निर्माणले पर्यटन बढाउनुका साथै ठूलो संख्यामा रोजगारी सृजनामा समेत गर्ने भएको छ । सञ्चालनपछि २२० जनालाई रोजगार दिने लक्ष्यसहित बन्दै गरेको यो होटल अत्याधुनिक सुविधा सहित बन्ने छ ।
