काठमाडौं । ङादी ग्रुप पावरको साढे १२ लाख कित्ता सेयर लिलामीमा आउने भएको छ । कम्पनीले असोज २ गतेदेखि सर्वसाधारण समूहको १२ लाख ५७ हजार २९० कित्ता सेयर लिलामीमा ल्याउने भएको हो ।
कम्पनीले गत साउन १८ गतेदेखि १ करोड ६ लाख ३ हजार ९८६ कित्ता हकप्रद सेयर विक्रीमा ल्याएको थियो । सोमध्ये ९३ लाख ४६ हजार ६९६ कित्ताका लागि मात्र आवेदन परेको थियो । नबिकेको १२ लाख ५७ हजार २९० कित्ता सेयर लिलामीमार्फ विक्री गर्न लागेको हो ।
इच्छुक लगानीकर्ताले असोज १३ गतेसम्म आफूले लिन चाहेको सेयर संख्या र मूल्य खुलाइ आवेदन दिन सक्नेछन् । लगानीकर्ताले न्यूनतम १०० कित्ता र अधिकतम सबै कित्ताका लागि आवेदन दिन सकिनेछ । लगानीकर्ताले सेयरको मूल्य न्यूनतम १०० रुपैयाँ नघटाइ आवेदन दिनु पर्नेछ ।
लिलामी सेयरमा विक्री प्रबन्धक सिद्धार्थ क्यापिटल नारायणचौर, नक्साल, सिद्धार्थ बैंक लिमिटेडका शाखा कार्यालयहरु विराटनगर, विर्तामोड, वीरगञ्ज , जनकपुर, पोखरा, बाग्लुङ्ग, बुटवल, घोराही, नेपालगन्ज, सुर्खेत, धनगढी र महेन्द्रनगरबाट पनि आवेदन दिन सकिने छ ।
