काठमाडौं। नबिल बैंकको ५० हजार कित्ता संस्थापक (प्रमोटर) सेयर विक्रीमा आएको छ । बैंकको केही संस्थापक सेयरधनीले उक्त सेयर लिलामी मार्फत विक्री गर्न लागेका हुन् ।
उक्त सेयरमा अब बैंकका विद्यमान संस्थापक सेयरधनीले आवेदन दिन सक्नेछन् । संस्थापक सेयरधनीले नकिनेमा प्रचलित नियमअनुसार उक्त सेयर अन्य कोही व्यक्ति तथा संस्थालाई विक्री प्रक्रिया अघि बढाउने बैंकले जनाएको छ ।
लगानीकर्ताले आफूले लिन चाहेको सेयर संख्या र मूल्य स्पष्ट खुलाई गोप्य शिलबन्दी मार्फत आवेदन दिनु पर्नेछ । लगानीकर्ताले न्यूनतम ४८० रुपैयाँ नघटाइ आफूले लिन चाहेको मूल्य खुलाइ आवेदन दिन सक्नेछन् ।
उक्त सेयर खरिद गर्न चाहने इच्छुक विद्यमान संस्थापक सेयरधनीले ३५ दिनभित्र बैंकको केन्द्रीय कार्यालय, तिनधारामा गोप्य शिलबन्दीमार्फत आवेदन दिनुपर्दछ ।
