काठमाडौं । बैंक अफ काठमाण्डूको आजदेखि ११ लाख इकाई ऋणपत्र विक्री खुला भएको छ ।
बैंकले प्रतिइकाई १ हजार रुपैयाँ दरमा १ अर्ब १० करोड रुपैयाँ बराबरको ‘बीओके डिबेन्चर, २०८६ (क)’ ऋणपत्र विक्रीम ल्याएको हो ।
११ लाख इकाईमध्ये ६ लाख ६० हजार इकाई ऋणपत्र बैंकले व्यक्तिगत तवरबाट विक्री गर्नेछ । बाँकी ४ लाख ४० हजार युनिटमा सर्वसाधारणले आवेदन दिन सक्नेछन् । सर्वसाधरणलाई छुट्याइएको ऋणपत्र मध्येबाट पनि २२ हजार कित्ता ऋणपत्र सामूहिक लगानी कोषलाई छुट्याइएको छ ।
यस ऋणपत्रमा वार्षिक १०.५० प्रतिशत ब्याजदर पाइने छ । लगानीकर्ताले न्यूनतम २५ इकाईदेखि अधिकतम १ लाख इकाईसम्मका लागि आवेदन दिन सक्नेछन् ।
ऋणपत्रमा भदौ ७ गतेसम्म आवेदन दिन सकिनेछ । सो अवधिमा सबै ऋणपत्र विक्री नभएमा ढिलोमा भदौ १६ गतेसम्म भर्न सकिनेछ । लगानीकर्ताले नेपाल धितोपत्र बोर्डबाट सी–आस्वा अनुमति लिएका सम्पूर्ण बैंक तथा वित्तीय संस्था, तिनको शाखा कार्यालयका साथै मेरो सेयरमार्फत आवेदन दिन सक्नेछन् ।
बैंकको ऋणपत्रको विक्री प्रबन्धक एनआइबीएल एस क्यपिटल रहेको छ । बैंकको ऋणपत्रलाई क्रेडिट रेटिङ इक्रा नेपालले इक्राएनपी आइआर त्रिपल बी प्लस रेटिङ दिएको छ । यसले वित्तीय दायित्व समयमा नै पूरा गर्न सक्ने सम्बन्धमा पर्याप्त मात्रामा सुरक्षित रहेको जनाउँदछ ।
