काठमाडौं । नेपाल स्टक एक्सचेञ्ज (नेप्से) मा रिडी पावर कम्पनी लिमिटेडको सेयर सूचीकृत भएको छ ।
साविकको रिडी हाइड्रोपावर डेभलपमेन्ट कम्पनी र रैराङ्ग हाइड्रोपावर डेभलपमेन्ट कम्पनी मर्ज भई बनेको नयाँ कम्पनी रिडी पावरको सेयर आइतबार नेप्सेमा सूचीकृत भएको हो ।
नेप्सेमा रिडी पावरको १ करोड १० लाख ६३ हजार ५८० कित्ता सेयर सूचीकृत भएको हो । रिडी र रैराङ्ग हाइड्रोपावर डेभलपमेन्ट कम्पनी १ः०.९३ सेयर अनुपातमा मर्ज भएका हुन् ।
नेप्सेमा सूचीकृत भएसँगै अब साविकका दुवै कम्पनीक सेयरधनीले रिडी पावरको नामबाट सेयर कारोबार गर्न पाउने छन् । कम्पनीको सेयर कारोबारका लागि नेप्सेले RIDI संकेत चिह्न प्रदान गरेको छ ।
कम्पनीको सेयर कारोबार लागि नेप्सले न्यूनतम ७०८.६० रुपैयाँको ओपनिङ रेन्ज तोकेका छ । यही मूल्यलाई आधार मानेर सेयर कारोबार खुल्नेछ ।
