काठमाडौं । आइतबार नाटकीय रुपमा बढेको सेयर बजारमा सोमबार भने दोहोरो अंकले गिरावट आएको छ । साताको दोस्रो दिन २३.८५ ले घटेर नेप्से परिसूचक १९३३.१३ अंकमा झरेको हो ।
यसदिन सूचकसंगै कारोबार रकममा पनि गिरावट आएको छ । आज २२९ कम्पनीको २ अर्ब ४ करोड ४८ लाख ३१ हजार ९४८ रपैयाँ बराबरको सेयर किनबेच भएको हो ।
आइतबार २ अर्ब १९ करोड ६१ लाख ४१ हजार ८४९ रुपैयाँ बराबरको सेयर किनबेच भएको थियो । आज ४३ हजार १२२ पटकको सेयर कारोबारमा ५६ लाख ४१ हजार ५४० कित्ता कित्ता सेयर किनबेच भएको हो ।
कारोबारमा आएका १३ वटा उपसमूह मध्ये जीवन बीमा र इन्भेष्टमेन्टबाहेकको सेयर मूल्य घटेको छ । आज जीवन बीमाको १.२२ प्रतिशतले बढेको छ भने इन्भेष्टमेन्टको १ प्रतिशतले सेयर मूल्य बढेको छ ।
सबैभन्दा धेरै गुमाउनेमा विकास बैंकका लगानीकर्ता रहेका छन् । विकास बैंकको सेयर मूल्य यसदिन ३.५१ प्रतिशतले घटेको छ । यसदिन सबैभन्दा धेरै कारोबार हुनेमा सिटिजन इन्भेष्टमेन्ट ट्र्रष्ट रहेको छ ।
यस कम्पनीको १५ करोड ६५ लाख रुपैयाँ बराबरको सेयर कारोबार भएको छ । हिमालयन डिष्ट्रलरीको ९, लाईफ इन्स्योरेन्स कर्पोरेसनको ८, नविलको ७ र एसिएन लाईफ इन्स्योरेन्सको ५ अर्ब रुपैयाँ बढीको सेयर कारेबार हुँदै शिर्ष ५ कम्पनीमा रहे ।
दोहोरो अंकले घटेको बजारमा पनि सिवाइसी लघुवित्त वित्तीय संस्था र न्यादी हाइड्रोपावरको सेयर मूल्यमा सकारात्मक सर्किट लागेको छ । यसैगरी,लाईफ इन्स्योरेन्स कर्पोरेसनका लागानीकर्ताले ९ प्रतिशत बढीले कमाएका छन् ।
