काठमाडौं । माउण्टेन इनर्जी नेपालको खुद नाफामा उछाल आएको छ । कम्पनीले चालु आवको चैतसम्ममा गत वर्षको सोही अवधिको तुलनामा साढे ८ गुणा बढी नाफा कमाएको छ ।
कम्पनीले शुक्रबार प्रकाशन गरेको चालु आर्थिक वर्षको तेस्रो त्रैमासको वित्तीय विवरण अनुसार ४२ करोड ६९ लाख रुपैयाँ खुद नाफा कमाएको छ । यो नाफा गत वर्षको सोही अवधिको तुलनामा ७५४.०६ प्रतिशत धेरै हो । गत वर्ष कम्पनीले ४ करोड ९९ लाख रुपैयाँ मात्र नाफा कमाएको थियो ।
विद्युत् विक्रीबाट हुने आम्दानी बढेसँगै माउन्टेनको नाफा उल्लेख्य वृद्धि भएको हो । कम्पनीले चैतसम्म विद्युत् विक्रीबाट कुल ८५ करोड २६ लाख रुपैयाँ आम्दानी गरेको छ । जबकी गत वर्ष सोही अवधिमा यस्तो आम्दानी ९ करोड ४३ लाख रुपैयाँ थियो ।
हाल १ अर्ब ९६ करोड ८० लाख रुपैयाँ चुक्ता पूँजी रहेको कम्पनीको रिटेन्ड अर्निङमा ८२ करोड ८९ लाख रुपैयाँ छ ।
खुद नाफामा उल्लेख्य सुधार भएसँगै कम्पनीको प्रतिसेयर आम्दानी २.८३ रुपैयाँबाट बढेर २१.७० रुपैयाँ पुगेको छ । समीक्षा अवधिमा प्रतिसेयर नेटवर्थ पनि ११७.५० रुपैयाँबाट बढेर १४२.१२ रुपैयाँ पुगेको छ ।
